Ukrayina Arbiy-deñiz quvetleriniñ spikeri Dmıtro Pletentçuk Poloniya Tış işler naziri Radoslav Sikorskiyniñ Qırımnı BMT mandatı altına berüv ve anda referendum keçirüv teklifini izaatladı.
Pletçençuk "Espresso" kanalınıñ yayınında bunı yapmaq imkânsız olğanını bildirdi, çünki Qırım Ukrayina toprağıdır. Onıñ aytqanına köre, Qırım yarımadası taktik ya da strategik statusı ile farqlana bile, amma Ukrayina Qırımnı ayrı bir topraq olaraq saymay.
"Biz Qırımnı ayrı bir topraq olaraq başqalardan ayırmaymız. Bu, digerleri kibi bir topraq. Bu topraq duşman tarafından işğal etilgen, azat etilmek kerek. Ebet, o öz taktik ya da strategik statusı ile farqlana bile, amma er alda bizim içün istisna degil" — dep ayttı Pletçençuk.
Poloniya tış işler naziri Radoslav Sikorskiyniñ fikrince, Ukrayina ve Rusiye arasında barışıq şartları muzakere etilse, Qırımnıñ emiyeti büyüktir. Bu fikirni Poloniya Tış işler naziriniñ yolbaşçısı YES-niñ Kıyivdeki 20-nci er yıllıq körüşüvinde bildirdi, dep yaza İnterfaks-Ukrayina.
Poloniya naziriniñ beyanatına Ukrayina prezidenti ofisiniñ yolbaşçısı Andriy Yermak seslendi.
"Qırım Ukrayinadır. Rusiye halqara uquqnı bozdı ve bunıñ içün cevap bermeli", — dep yazdı o Telegram kanalında.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
