İyülniñ 15-nde ilhaq etilgen Qırımnıñ akvatoriyasından Rusiye Qara deñiz flotunıñ soñki nezaretçi gemisi çıqtı, dep bildirdi Ukrayina Arbiy deñiz quvetleriniñ spikeri Dmıtro Pletençuk. Onıñ aytqanına köre, yarımada civarında Rusiye teminlev gemileri qala.
"Yardımcı flot demek mümkün. Arbiy terkibine ait olğan birimler. Bu vatandaş gemileri degil, amma olarnıñ böyle silâları yoq", — dep añlattı Pletençuk ukrayin milliy tele marafonı efirinde.
Onıñ qayd etkenine köre, bu gemilerni Rusiye arbiyleri çeküv, deñizde yardım ya da qıdıruv-qurtaruv ameliyatlarında qullana bile.
"Olarnıñ vazifeleri çeşit, ve flot olarğa muhtac. Büyük desant gemilerini alsaq, anda beş dane qala, amma bir incelik bar. Olarnı alâ daa tamir etip olamaylar", — dep qoştı deñiz hızmetiniñ vekili.
Böyle gemilerden biri — Konstantin Olşanskiy, Ukrayina tarafınıñ bildirgenine köre, o, 2024 senesi mart ayında zarar kördi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
