Rusiye Devlet Dumasınıñ mebusı, sabıq Qırım prokurorı Natalya Poklonskaya, bir qaç yıl evel Qırım prokuraraturasınıñ hadimlerine suiqast etilgenini bildire. Bu aqta o, aqayı İvan Solovyev ile beraberlikte yazılğan “Qırım baari: indan evel ve ondan soñ. Birinci şahıstan ikâye” kitabında yazdı, dep bildire rusiye matbuatı.
Poklonskaya, o prokuror olğanda, prokuratura binası yanında qaravullar - “opolçenetsler” 8 saat ve 45 daqqadan patlaycaq cihaznı taptı. Devlet Dumasınıñ mebusı, suiqastnı “Azov” polkunıñ sabıq komandorı, Ukraina halq mebusı Andrey Biletskiy sımarladı dep tüşüne. Amma patlayıcı cihaznı 19 yaşındaki Qırım sakini Maksim Filatov qoyğanını aña.
Andrey Biletskiyniñ bu aqta tefsirleri yoq.
Patlayıcı cihaznı qoyğan 19 yaşındaki qırım sakini Maksim Filatov ise 6 yıllıq apis cezasına mahküm etildi.
Devlet Dumasına yapılğan yedinci çağıruv saylâvları 2016 senesi sentâbrniñ 18-nde Rusiyede ve işğal etilgen Qırımda keçirilerek, Ukraina ve Ğarp memleketleri tarafından keskin tenqit etilgen edi. ABD, Kanada, Fransa, İsveç, İngiltere, Almaniya, Çehiya, Türkiye kibi bir sıra devletler istilâ altındaki Qırımda keçirilgen saylâvlarnı qanunsız dep tanıdı.Poloniya Tışqı işler nazirligi Rusiyeniñ Devlet Dumasına yapılğan parlament saylâvlarnıñ umumen qanunğa uyğun şekilde keçirilgeninden şubelenmekte. Sentâbrniñ 20-nde Ukraina Yuqarı Şurası işğal etilgen Qırımdaki saylâvlarnıñ qanunsız keçirilgeni ve Rusiye Devlet Duması yedinci çağıruv terkibiniñ umumen qanunsız olğanınen bağlı qarar qabul etti.
