Rusiyeniñ Kyivdeki elçihanesi qarşısında noyabrniñ 27-nde ğayıp olğan qırımlılarnı tapmaq talabınen er ay ötkerilgen aktsiya keçirildi. Bu endi 17-nci aktsiya oldı ve onıñ serlevası «Men ancaq soracaq olam, özüm içün degil» oldı.
Kyivde Rusieniñ elçihanesi qarşısında faaliyetçiler ğayıp olğan Qırım sakinleriniñ tapılması talap etti (foto galereyası)
1
2
«Rusiye akimiyetine tesir etmek qıyın olğanını yahşı añlaymız. Lâkin bunı yapmaq kerekmiz. Bir afta evel sabıq Yugoslaviyanıñ toprağında cinayetler işlegen sırp liderlerinden biri tribunalda muhakeme etile edi. Qırımda cinayet işlegen Vladimir Putin ve onıñ yardımcıları da muhakeme etilecekler», – dedi «QırımSOS» koordinatorı Tamila Taşeva
3
Rusiye elçihanesiniñ qorasında farz etilgen zil
4
Tedbir vaqtında toplanğanlar bir perfomans ötkerdiler. Olar nevbet ile elçilikniñ qapısına kelip, habersiz ğayıp etkenlerniñ adını ayta ve olar ne yerde olğanlarını soray ediler
5
Rusiye elçiliginiñ diplomatları ve vekilleri faaliyetçilerge çıqmadılar
6
Faaliyetçilerniñ malümatına köre, Qırım Rusiye tarafından ilhaq etilgen soñ 44 Qırım sakini ğayıp oldı, olarnıñ 17-si tapıldı, 16-sı ale daa habersiz ğayıp oldı dep sayıla, 6-sı ölü tapıldı, daa ekisi azatlıqtan marum etüv yerlerinde bulunalar
7
Qırım aq-uquq qoruyıcı grubu, alıp qaçuvlarnıñ Rusiye akimiyeti ya da onıñ kontroli altında bulunğan paramilitar grupları tarafından yapılğanını tahmin ete
8
9
Ukrainada Rusiye elçihanesiniñ kül renki divarları sessiz qala
10
Yıl-yıldan ğayıp etilgen adamlarnıñ sayısı ket-kete arta
Facebook Forum