5 yıl apis cezası. Rusiye kontrol etken Qırımnıñ Aqşeyh rayon mahkemesinde Vladimir Baluhnıñ daa bir ükmü çıqarıldı.
2016 senesi oña tintüv ötkermege kelgenler, şu sırada da çardaqında patron ve trotil taşlar tapılğan eken. Baluhqa qarşı «silânı qanunsız saqlav» maddesi boyunca cinaiy iş açıldı. Üç yıl ve beş ay yaşav tarzı koloniyasında qalmasına üküm etilgen edi. O, narazılıq bildirmek içün açlıq grevine başladı.
Baluh apishanege avuştırılmadı – nevbetteki iş boyunca taqiqat başladı.
Vaqtınca tutuv izolâtorında Baluh kene qabaatlandı – «cemiyetten uzaqlaştırma müessisesiniñ faaliyetini bozuv» maddesi boyunca oña üç yıl apis cezası ve 10 biñ ruble (tahminen 4 biñ grivna) para cezası tayin etildi. Umumen alğanda Vladimir Baluh 5 yıl apiste olmalı.
Al-azırda Baluh yüz künden ziyade açlıq tuta. Qırım.Aqiqat qırımlınıñ fotoresimlerini toplap, taqip etilmezden evel ve daa bir cinaiy iş boyunca üküm çıqarılması arfesindeki allarını qıyasladı.
Qarşılıq aqibetleri. Baluh taqip etilmege başlağan soñ nasıl deñişti (foto)
1
2016 senesi avgust ayı. 10 kün nezaret altında bulunğan Vladimir Baluh. «Politsiya hadiminiñ emirlerine riayet etmegeni içün» apiske alındı
2
3
2017 senesi noyabr ayı. Vladimir Baluh silâ saqlaması davasınıñ mahkemesinde. Avgust ayında üküm çıqarılğan edi: 3 yıl ve 7 ay apis cezası ve 10 biñ ruble para cezası (tahminen 4 biñ grivnâ). Şikâyetten soñ dava tekrar baqıla
4
5
2017 senesi dekabr ayında Baluhnıñ «silâ saqlaması» davasında cezası deñişti. Onı ev apsine alğanlar. Bir ay evde edi
6
2018 senesi mayıs ayı. Vladimir Baluh bir ay açlıq tuta. Kreml kontrol etken Qırım Yuqarı mahkemesi faalniñ ükmüni deñiştirgen soñ aş aşamaqtan vazgeçti. Qadı silâ satın almasına dair malümatnı alıp taşladı. Şu sebepten üküm 3 yıl ve 5 ay yaşav tarzı koloniyasında qalmasına deñişti
7
Açlıq greviniñ elli sekizinci kününde Baluh arhiyepiskop Klimentni diñlep, biraz peksimet aşamağa ve kisel içmege razı oldı
8
9
2018 senesi iyül ayı. Vladimir Baluh vaqtınca tutuv izolâtorıñ yolbaşçısı Valeriy Tkaçenkonı köteklev davasınıñ mahkemesinde. Faal yüz künden ziyade açlıq tuta
10
Baluh mahkemede soñki sözüni aytıp, Rusiye onı esir alğanını bildirdi
Facebook Forum