Kezlevniñ eski rayonında «Küçük Qudüs» ekskursiya marşrutı – kurort şeeriniñ turistler içün baş eglencesidir. O, daa 2006 senesinde tantanalı surette açıldı. Bunıñnen beraber bu yerde insanlarnı yalıñız raatlıq künlerinde – hususan şeer ükümeti tarafından teşkil etilgen halq şeñlikleri ve «Karaimskaya soqağında yaz aqşamları» yarmalığı yapılğanda körmek mümkün. O vaqıt turistlerni aynı şu adını taşığan ve eñ çoq turistik obyekti olğan soqaqqa muzıka ve oyunlar ve, ondan ğayrı, yerli esnaflar, antikacılar ve ressamlarnıñ suvenirleri ve malları ile ticaret sıraları. Bu yıldaki kurort mevsimi içün «Küçük Qudüs»te yolnıñ taş töşemesi ve arıqlarını deñiştirdiler.
Kezlevdeki «Küçük Qudüs» rekonstruktsiyadan soñ (fotogalereya)
1
Marşrut Avropa tarafından daa 2012 senesinde tanıldı
2
Karaimskaya, «Küçük Qudüs»niñ baş soqağı
3
Bu yerde arada-sırada yarmalıqlar teşkil eteler
4
«Küçük Qudüs»teki soqaq tedbirleri içün «Kezlev medeniyet-etnografiya merkezi» mesüliyetli
5
Çölmekçilik boyunca master-klass balalarda hususiy bir meraq doğura
6
Qırımtatar oyun ansambli ekskursantlarnı Han Camisi yanında qarşılay
7
Kezlev qalesiniñ Şarqiy qapısı aldında soqaq çalğıcıları
8
Karaimskaya soqağında çar II Nikolay qorantasınıñ 1916 senesinde Kezlevni ziyaret etkenini köstergen graffitiler
9
«Küçük Qudüs»niñ türk ammamı. «Tunç ammamcı hanım» – yerli tiri eykeller teatrinde çalışqan qız
10
Krasnoarmeyskaya soqağında yalıñız yol töşemesi ile arıqlarnı deñiştirdiler
11
«Küçük Qudüs»teki Küçük Ağlama divarını eki yıl evel açtılar
12
İstegenler qaburçaq taşlarınıñ arasına Tañrığa dualar ile tezkerelerini qaldıra bileler
13
Egiya Kapay sinagogası ögündeki küçük azbar
14
Egiya Kapay sinagogasında
Facebook Forum