Laspi kurort qasabası üstündeki qayalar arasında «Küneş ibadethanesi» adı pekinip qalğan acayip bir yer bar. Oña doğru Qırım turistleri arasında polulâr olğan cayav marşrut açıldı. Yeşil yılğa ile sarılıp alınğan yerge daa Qırım Stounhenci, Taş çiçek, Ajderha tişleri, Papadiye, Kebenqaya (bu qırımtatar adıdır) ve Küç çiçegi deyler. Ortadaki büyük taş etrafındaki beyaz kireçtaş qayaları – onıñ yedi tac yaprağıdır.
Bu yerde yaşağanlar «Küneş ibadethanesi»ni küç merkezi, dep sayalar. Bir efsane ise «Küneş ibadethanesi» özüne yalıñız temiz niyetli kişilerni yibergenini ayta.
Dağ yolunen Qırımnıñ «Küneş ibadethanesi»ne doğru (fotogalereya)
1
Ava başta turistler içün elverişli edi. Amma ondan soñ dağlarğa tuman çökti ve daa soñundan yağmur yağdı
2
Saba Delikli Burun üstünde banci-campingniñ aveslileri peyda oldı. Bu ekstremal zevq 3000 ruble (1400 hrivna) tura
3
«Küneş ibadethanesi»ne alıp barğan yolda ağaçtan putlar
4
Merkezde turistler toplaşqan iri taş kesegi, «Küneş ibadethanesi»nde sunaq vazifesini köre
5
Sunaqta ufaq para qaldırmaq bir adet oldı
6
İlyasqayadan «Küneş ibadethanesi»niñ körünişi böyledir
7
Turistler İlyasqayada
8
Delikli Burunnıñ artında Aya burnu körüne. Aşada – Laspi qasabası
9
İlyasqayadaki uçurımnıñ kenarında bir çift
10
İlyasqayanıñ cenübiy capları
11
Çelebi massivinde
12
Baydar yaylasınıñ nebatatı: çañ çiçekleri
13
Ve yerge cayılıp ösken kiyev otu
14
İleride – Baydar uvası
15
Forosqa eniş
16
Forostaki «Voskreseniya Hristovogo» kilsesi
Facebook Forum