Cenevizqayadaki qalede (fotogalereya)

Bütün Şarqiy Qırımnıñ aqiqiy bir vizit kartı, cenüp tarafından qadimiy Suvdağ üstünde yükselip turğan manzaralı Qale dağında buluna. Onıñ ekinci adı – Cenevizqaya (türkiy tilden Cenevizlilerniñ qayası dep tercime etile). Qayanıñ yüksekligi – deñiz yüzü seviyesinden 157 metr. Asılında bu, Qızqule burnunıñ esasıdır. Meydanlığı qararnen 30 hektar olğan qalege daa Ceneviz qalesi deyler. Asılında, eñ başında onıñ qurucılığına hazarlar, bizanslılar, qıpçaqlar, Altın Ordu türkleri, selcuq türkleriniñ ve, efsanege köre, bir de alanlarnıñ alâqası bar edi. Qırımda bu, künümizge qadar yahşı vaziyette saqlanıp qalğan orta asırlarğa ait yekâne binadır.

Bir anane olaraq, kurort sezonında ziyaretçilerni qalege «Ceneviz miğferi» adlı rıtsarler festivali ile celp eteler.