Qırımtatar halqını sürgün etüv qurbanlarınıñ hatıra künü, Keriç köprüniñ açılışı, turistlerni beklegen kurort şeerleri. Qırım.Aqiqat 2018 senesi mayıs 14 – 20 künleri arasında derc etilgen eñ güzel, meraqlı ya da oşlu fotoresimlerni topladı.
Aftanıñ eñ parlaq Qırım fotoresimleri (fotogalereya)
1
Qırımtatar halqını sürgün etüv qurbanlarına bağışlanğan hatıra tedbiri. Faaliyetçiler hatıra işareti yanında cemaatnen dua oquy
2
3
Qırımtatar halqını sürgün etüv qurbanlarınıñ hatırasına bir buçuq biñge yaqın kişi Çatırdağğa köterildi
4
Volodımır Baluh 2018 senesi mayıs 15-te nevbetteki mahkeme oturışuvı esnasında. Mayıs 21 bazarertesi künü – ukrain tutqan muddetsiz açlıqnıñ 64-nci künü
5
2018 senesi mayıs 15-te Rusiyeniñ Qırım ukümeti qanunsız qurulmaqta olğan Keriç köprüni açtı
6
Keriç boğazı üstünden qurulmaqta olğan köpürde areketniñ açılışı merasiminde Rusiye prezidenti Vladimir Putin iştirak etti. O, onı naqliyat keçitinde qarşılağan köpür qurucılarını tebrikledi ve ondan soñ köpür üstünde tizilip qoyulğan «KamAZ»larnıñ birine oturdı
7
Qırım.Aqiqat muhbirleri avtomobil ile Keriç köpründen keçti. Keriç boğazı üstünden qurulmaqta olğan köpürniñ avtoyol qısmı yengil avtomobllerniñ areketi içün mayıs 16-da açıldı
8
Mayısnıñ ortasında bütün Suvdağ dört köznen kelecek turistlerni bekley
9
Yalıda avalar endi qızdı ve deñizde furtunalar yoq, lâkin plâjlarda adamlar tek-tük
10
Ay-Petri dağınıñ töpesi, bıltırqı ticaret noqtalarınıñ yıqtırılmasından soñ bayağı deñişti
11
Şimdi mında boş yer çoq
Facebook Forum