Link açıqlığı

Saatnıñ esas haberi

Eziyetlevler, tevqifler ve qorquzuvlar aqqında – «Qırım birdemligi»niñ toplaşuvı (fotoreportaj)

Aqmescitte «Qırım birdemligi» – faaliyetçiler ve Qırım siyasiy mabüsleriniñ soyları ve advokatlarınıñ nevbetteki toplaşuvı keçti. Oturışuvnıñ ketişatı esnasında divarda 2016 senesiniñ küzünde tevqif etilgen «Hizb ut-Tahrir işi» figurantı Uzeir Abdullayevniñ sureti translâtsiya etildi. Tahqiqat izolâtorında onıñ sağlıq vaziyeti o qadar fenalaştı ki, aq-uquq qorçalayıcıları ve aqrabaları onıñ yaşayışı içün telâşlanalar. Qırım Cemiyet közetüv komissiyası ve prokuraturağa muracaat etilgen soñ izolâtornıñ rehberleri, Abdullayevni tibbiy bölükke avuştıracaqları ve yardım eteceklerini işandırdı.

Advokatlar, Qırımda esas siyasiy protsesslerniñ ketişatı aqqında ikâye ettiler. 2014 senesiniñ fevralindeki kütleviy qarışıqlıqlarğa dair «fevral 26» işi aman-aman yekünlendi – taraflarnıñ munaqaşaları yapılacaq bir oturışuv qaldı ve akem uküm çıqarmağa ketecek. «Veciye Kaşka işi» boyunca ise aqsız yerde para talap etüvde qabaatlanğanlar ile endi bir qaç ay devamında iç bir tahqiqat areketi yapılmadı.

Oturışuvğa Ukrain medeniyet merkeziniñ faaliyetçileri keldi. Olar, yarımadada ukrain tiliniñ saqlanması oğrundaki işleri aqqında ikâye ettiler. Faaliyetçiler siyasiy mabüslerniñ balalarına ukrain tilinde masa üstü oyunlarını bağışladılar. Toplaşuvnıñ soñunda «Qırım birdemligi»niñ faaliyetçileri birleşmeniñ peyda oluvı, inkişafı, yañı faaliyetçilerni celp etkeni ve yıl-yıldan tevqif etilgenlerniñ sayısı artqanı aqqında videorolikni kösterdiler.

Facebook Forum

XS
SM
MD
LG