Link açıqlığı

Saatnıñ esas haberi

Mahkeme yanında Qırımdaki iş künleri: «fevral 26 işi» boyunca ukmüni beklerken (fotoreportaj)

Aqrabalar, dostlar, aq-uquq qorçalayıcıları, cemiyet faaliyetçileri ve pervasız insanlar «fevral 26 işi» boyunca oturışuvlar keçken Rusiyeniñ kontroli altında olğan Aqmescitteki Merkeziy rayon mahkemesi yanına kelmege devam eteler. Bütün bu vaqıt içinde qırımtatar faaliyetçileri muhakeme etilgenlerge tışarıdan qol tuta, çünki olarnı içerige yibermeyler.
Bir gruppa qırımtatar faaliyetçileriniñ mahkemesi 2015 senesinde başlandı. Olar, 2014 senesi fevral 26 künü Qırım Yuqarı Radası binasınıñ yanında Ukrainanıñ topraq bütünligine qol tutmaq maqsadınen yapılğan miting esnasında kütleviy qarışıqlıqlarda iştirak etkenlerinde qabaatlana.
Daa soñra mahkeme «Fevral 26 işi»ni ekige böldi: qırımtatar milliy areketiniñ liderlerinden biri Ahtem Çiygoznıñ işi, davanıñ diger figurantları olğan Ali Asanov, Mustafa Degermenci, Eskender Kantemirov, Talât Yunusov, Eskender Emirvaliyev, Arsen Yunusov ve Eskender Nabiyevniñ işinden ayırıldı.

XS
SM
MD
LG