Aluşta nasıl peyda oldı: Aluston qalesi (fotogalereya)

VI asırğa ait Vizantiya qalesi Alustonnıñ (yunan tilinden «avanıñ oynaması» dep tercime etile) harabeleri Aluşta kurort şeeriniñ merkezinde buluna. 44 metr yükseklikteki bayır olğan bu yerden, doğrudan ketilse mesafesi 200 metr olğan deñiz pek güzel körüne. Qarşı tarafında Çatırdağ ve Demirci dağlar sırasınıñ güzel bir manzarası açıla. Belki de bu, şimdiki Aluştanıñ, antik devirge ait mudafaa yapıları o ya da bu derecede saqlanıp qalğan diger Qırım mesken yerlerinden baş farqıdır. Anda olar, adet üzre, şeerniñ merkezinde degil de, tam manada çette qalalar.

Aluston qalesi, Ukrainanıñ milliy emiyetke malik medeniyet abidesi sayıla.