Fevralniñ 26-nda Kyivniñ Mustaqillik Meydanında, Rusiye ilhaq etken yarımadada yaşağan qırımlılarnen birdemlik mitingi ötkerildii. Aktsiyağa 200-den ziyade insan toplandı. Mitingte hususan, Qırımtatar Milliy Meclisi reisiniñ muavini Ahtem Çiygoz, tatar faali, sabıq siyasiy mabüs Rafis Kaşapov iştirak ettiler. Sözge çıqqanlar, «işğal altında yaşamağa qalğan» qırımlılar içün böyle aktsiyalar muim olğanını qayd etti.
Aktsiya iştirakçileri ellerinde «Qırımnı azat etiñiz», «Qırımtatarlarğa azatlıq ve adalet» ve ayrıca, yarımadadaki siyasiy mabüs ve ğayıp olğanlarnıñ resimlerini tuta ediler.
Fevralniñ 26-nda Ukrainada ve bütün dünyada qırımlılarğa ve devletniñ topraq bütünligine qol tutuv aktsiyaları, muzakereler, forum ve mitingler ötkerile.
Ukrainada fevralniñ 26-sı kününi «Qırımnıñ Rusiye işğaline qarşı tirenüv künü» olaraq qayd etilmesi teklif etile. 2014 senesi bu künü Qırım Yuqarı Şurasınıñ binası ögünde Ukraina torpaq bütünligine bağışlanğan miting ötkerilgen edi. O zaman miting iştirakçilerine Rusiye tarafdarı olğan faaller, şu cümleden «Rus birligi» firqasınıñ vekilleri qarşı çıqqan edi.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
«Qırımnı azat etiñiz»: Kyivde «işğal altındaki qırımlılarnen» birdemlik mitingi ötkerildi (fotoreportaj)
1
Qırım.Aqiqat muhbiri haber etkenine köre, Kyivniñ merkezinde 200-den ziyade insan toplanğan. Olar ellerinde yarımadadaki siyasiy mabüs ve ğayıp olğanlarnıñ resimlerini tuta ekenler
2
Aktsiya iştirakçileri qırımtatar bayraqlı başlıqlarlar kiygenler
3
«Dört yıl evelsi Aqmescitte bizler Ukraina birligi içün buña beñzer miting keçirgen edik. O zaman bizler Ukrainanı, Qırımnı ve özümizni qurtardıq, dep bellegen edik», – dep ayttı Meclis reisi Refat Çubarov
4
Mitingge ayrıca, Qırımtatar Milliy Meclisi reisiniñ muavini Ahtem Çiygoz, tatar faali, sabıq siyasiy mabüs Rafis Kaşapov iştirak etti
5
Plakat üzerinde: «Qırımtatarlarğa azatlıq ve adalet», dep yazılğan
6
7
2016 senesi Rostov-na-Donu şeerinde 21 yaşındaki Qırım sakini Maksim Filatov mahküm etilgen edi. O, Rusiye nezareti altındaki Qıurım prokuratırasında yaqmağa azırlıq yapqanında ve 2014 senesi Aqmescitteki «Çuqurça» camisini yaqqanında qabaatlanğan edi.
8
9
Siyasiy mabüsler Seyran Saliyev (Rusiyede ve yasağlanğan «Hizb ut-Tahrir»de iştirak etkeninde qabaatlanıp tevqif etildi), qırımlı jurnalist Mıkola Semena ve qırımtatyar faali Suleyman Kadırovnıñ resimleri
10
«Qırımnı azat etiñiz» yazılı plakat ve siyasiy mabüs Oleg Sentsovnıñ resimi
11
«Qırım – Ukraina toprağı» yazılı resim
12
Fevralniñ 26-sı Ukrainada «Qırımnıñ Rusiye işğaline qarşı tirenüv künü» olaraq ilân etilmesi teklif etile
Facebook Forum