Martnıñ 27-nde qırımtatar faalleri, hususan «Qırım birdemligi» cemaat birleşmesiniñ faalleri yaşağan evlerde keçirilgen kütleviy tintüvlerden soñ 55 bala babasız qaldı. Tintüvler neticesinde 20 qırımlı tutuldı, martnıñ 28-nde ise evleri tintilgen üç qırımlı faal Rostov-na-Donu şeerinde tutulıp tevqif etildi. Qırımtatar Milliy Meclisiniñ reisi Refat Çubarovnıñ aytqanına köre, al-azırda Qırımda babasız qalğan ve yardımğa muhtac olğan siyasiy mabüslerniñ balalar sayısı 116-dan 171-ge qadar arttı. Qırımlı jurnalist Şevket Namatullayev apiske alınğan qırımtatar faalleriniñ balalarına yardım toplap başladı. Apiske alınğanlarnıñ qorantalarına Rusiyeniñ Qırım işğalinden soñ qurulğan «Bizim balalar» hayriye fondu da yardım etmege devam ete.
Qırım balalığı: 55 bala daa tintüvlerden soñ babasız qaldı (fotoresimler)
1
Evinde tintüv keçirilgen soñ martnıñ 28-nde Rostov-na-Donu şeerinde tutulğan Remzi Bekirovnıñ oğlu
2
3
Fotoresimde apiske alınğan Teymur Abdullayev, Remzi Bekirov, Ruslan Suleymanov ve Vladlen Abdulkadırovnıñ qızları
4
Erfan Osmanovnıñ balaları evlerinde keçirilgen tintüvden soñ
5
Remzi Bekirovnıñ qızı
6
Ortada – Muhammad, martnıñ 27-nde kütleviy tintüvlerden soñ tutulğan Ruslan Suleymanovnıñ oğlu. Soldan Mansur, sağdan – Ali, Aqmescitteki birinci «Hizb ut-Tahrir davasınıñ» mabüsleri Üzeir ve Teymur Abdullayevlerniñ balaları.
7
Osman Arifmemetov oğlunen
8
Osman Arifmemetov ömür arqadaşı ve oğlunen
9
Vladlen (Veli) Abdulkadırovnıñ eki aylıq qızı Kiyev rayon mahkemesiniñ salonında masada yata. Babası martnıñ 27-nde Qırımda keçirilgen tintüvlerden soñ tutulğan 24 kişiden biri ola
Facebook Forum