Sovetskoye qasabası (eski adı Dolossı – qırımtatarca «Tolu suv» ibaresinden kelgen) Büyük Yaltanıñ eñ güzel ve ekologik temiz mesken yerlerinden biridir. Nikita yaylasınıñ cenübiy-ğarbiy caplarında yerleşip, er tarafından ineyapraqlı ormanlarnen sarılğan.
Qasaba tarihı sovet zenaat birliklerine ait «Dolossı» verem ile küreş şifahanesiniñ işçileri içün 1925 senesi qurulğan baraklardan başlana. Söz sırası, şifahane alâ daa çalışa. 1971 senesi mesken yer şeer çeşitli qasaba statusını aldı.
Al-azırda qasabada tahminen 700 sakin ve 6 çoq qatlı ev qayd etile. Qalğanı – şahsiy evçikler ve yañı sakinlerniñ prestij villaları. Dollossılılar olarğa «favelalar» (favela – dağ caplarındaki brazil harap meskenleri) dey. Qasabada qayd etilgen soqaqlar yoq, tek evlerniñ nomeraları mevcut. İçtimaiy infrastruktura da yoq: umumtasil mektep, hastahane, qave, kinoteatr ve ilâhre.
2016 senesi mayısnıñ 12-nde Ukraina Yuqarı Radası dekommunizatsiya qanunlarına uyğun şekilde Sovetskoye qasabasına Dolossı adını qaytarmağa qarar berdi. Vesiqağa binaen, bu toponimika «Qırım Ukraina yurisdiktsiyasına qaytqan soñ» aktual olur.
Facebook Forum