Saatnıñ esas haberi

Yaltanıñ eski burulmalı soqaqlarından (fotoresimler)

31 mart 2021, 18:31

Yaltanıñ tarihı yalı boyudaki kiçik bir qasabadan başlana. Yerli relyef em o vaqtı, em şimdi soqaq ve yollar nasıl olacağını köstere. Doğru yol mında sıq rastkelmey, amma bu şeerniñ hususiyeti de bu: yoquş ve enişler, buruluv ve tar soqaqlar, merdiven ve suv aquvları.

Qırım.Aqiqat mühbiri Kirov soqağını dolaştı: anda XIX asırda Autka köyünden Dereköy köyüne topraq yolu keçken edi.

XIX asırda qurulğan ressam Grigoriy Yartsevniñ evini ziyaret etti. Yartsevniñ evi 1890-1900 seneleri Yaltanıñ intellektual ve medeniy ayatınıñ merkezi olğan edi.

Yaltanıñ eski soqaqlarında kezinti – Qırım.Aqiqatnıñ foto levhasında.

Daa kostermek Show less

Yaltanıñ Kirov soqağı eñ uzun sayıla — 1 Yaltanıñ Kirov soqağı eñ uzun sayıla

XIX asırda mında Autka köyünden (şimdi Çehovo) Dereköy köyüne (Uşçelnoye) yol bar edi. Yolnıñ sol tarafında yüzümlikler ösken edi. 1880-lerde, yolnıñ eki tarafında da ilk yazlıq evleri qurulğan soñ, bir qısmı Autskaya, ekincisi Sadovaya soqağı oldı. Sovetler vaqtında Autskaya soqağı Kirov soqağı oldı — 2 XIX asırda mında Autka köyünden (şimdi Çehovo) Dereköy köyüne (Uşçelnoye) yol bar edi. Yolnıñ sol tarafında yüzümlikler ösken edi. 1880-lerde, yolnıñ eki tarafında da ilk yazlıq evleri qurulğan soñ, bir qısmı Autskaya, ekincisi Sadovaya soqağı oldı. Sovetler vaqtında Autskaya soqağı Kirov soqağı oldı

Dairelerge bölüngen eski evlerde bugün insanlar yaşay, ofis ve tükânlar yerleşe — 3 Dairelerge bölüngen eski evlerde bugün insanlar yaşay, ofis ve tükânlar yerleşe

Halturin aralığı töpege çıqa ve bala hastahanesinde bölünip, aynı aydı olğan soqaqqa ketire. Aralıqta sağdan – merdiven, soldan – suv aqa — 4 Halturin aralığı töpege çıqa ve bala hastahanesinde bölünip, aynı aydı olğan soqaqqa ketire. Aralıqta sağdan – merdiven, soldan – suv aqa

Qaldırımlar tar: yolculardan biri arabalar keçken qısımğa çıqmağa mecbur — 5 Qaldırımlar tar: yolculardan biri arabalar keçken qısımğa çıqmağa mecbur

Kirov soq., 72 – 1917 senesi qurulğan çoq daireli ev — 6 Kirov soq., 72 – 1917 senesi qurulğan çoq daireli ev

Tik yoquş ve enişli aralıqlar – Yaltanıñ hususiyetlerinden biridir — 7 Tik yoquş ve enişli aralıqlar – Yaltanıñ hususiyetlerinden biridir

Kirov soqağındaki qorada graffiti — 8 Kirov soqağındaki qorada graffiti

Yanında daa bir graffiti. Kruiz gemisiniñ Ukraina bayrağı bar — 9 Yanında daa bir graffiti. Kruiz gemisiniñ Ukraina bayrağı bar

Kirov soq., 65/2 adresindeki eski evniñ birinci qatında tükân bar — 10 Kirov soq., 65/2 adresindeki eski evniñ birinci qatında tükân bar

Sadovaya soqağında da eski evler çoq. Bazılarına zemaneviy inşaatlar qurulıp qoşuldı — 11 Sadovaya soqağında da eski evler çoq. Bazılarına zemaneviy inşaatlar qurulıp qoşuldı

Sadovaya soqağında davetsiz musafirlerden böyle qorunalar — 12 Sadovaya soqağında davetsiz musafirlerden böyle qorunalar

Sadovaya soq., 8 adresinde pek güzel ev tura. Sofanıñ tahta parçaları yahşı saqlandı — 13 Sadovaya soq., 8 adresinde pek güzel ev tura. Sofanıñ tahta parçaları yahşı saqlandı

Merdiven yanında eski servi öse, köpek yuqlay — 14 Merdiven yanında eski servi öse, köpek yuqlay

Çarlıq Rusiye vaqtında Sverdlok soqağı Poçtovaya ve Simferopolskaya, Sovetler Birligi zamanında ise Kutuzovskaya soqağı olğan edi. Vitse-admiral ve graf Nikolay Mordvinovnıñ fikirince, «bu topraq maña berilgen olsa, kimsege bir şey bermem». Şimdiki avtovokzaldan Lenin abidesine qadar bütün topraq oña ait edi ve bağça ve ekzotik terekler tolu edi, Yaltanıñ «şeer yolbaşçılığı» eñ azından yol içün topraq bermege rica etse de, graf razı olmağan edi. Böylece özen yanındaki eski yol yerine yañılarını qurmağa mecbur olğanlar, yüksek töpede, deñiz yanındaki şeerni sarğan bayırlarda. Poçtovaya (Sverdlov) soqağı böyle peyda oldı — 15
Çarlıq Rusiye vaqtında Sverdlok soqağı Poçtovaya ve Simferopolskaya, Sovetler Birligi zamanında ise Kutuzovskaya soqağı olğan edi. Vitse-admiral ve graf Nikolay Mordvinovnıñ fikirince, «bu topraq maña berilgen olsa, kimsege bir şey bermem». Şimdiki avtovokzaldan Lenin abidesine qadar bütün topraq oña ait edi ve bağça ve ekzotik terekler tolu edi, Yaltanıñ «şeer yolbaşçılığı» eñ azından yol içün topraq bermege rica etse de, graf razı olmağan edi. Böylece özen yanındaki eski yol yerine yañılarını qurmağa mecbur olğanlar, yüksek töpede, deñiz yanındaki şeerni sarğan bayırlarda. Poçtovaya (Sverdlov) soqağı böyle peyda oldı

Sverdlov soqağında «Trotuar» yazuvlı levha, böyle soyları Yaltanıñ farqlı yerlerinde bar — 16
Sverdlov soqağında «Trotuar» yazuvlı levha, böyle soyları Yaltanıñ farqlı yerlerinde bar

Sverdlov soqağında Yaltanı sarğan dağlar manzarası — 17 Sverdlov soqağında Yaltanı sarğan dağlar manzarası

Burulmalı Voykov soqağı. Bayırnıñ caplarında çiftlikli ev qurmaq içün tegiz meydançıqlar olsun dep, qurucılar bayağı yüksek tayanğıç duvarlar qurğan edi. Soqaq mında 1867 senesi qurulğan qızlar gimnaziyasınen şekillenip başladı, soñra Gimnaziçeskaya adını aldı. 1927 senesi sovet diplomatı Petr Voykov hatırasına Voykov soqağı adını aldıм — 18 Burulmalı Voykov soqağı. Bayırnıñ caplarında çiftlikli ev qurmaq içün tegiz meydançıqlar olsun dep, qurucılar bayağı yüksek tayanğıç duvarlar qurğan edi. Soqaq mında 1867 senesi qurulğan qızlar gimnaziyasınen şekillenip başladı, soñra Gimnaziçeskaya adını aldı. 1927 senesi sovet diplomatı Petr Voykov hatırasına Voykov soqağı adını aldıм

Yaltanıñ Çehov gimnaziyası. Beş yıl devamında yazıcı müdirinen dostane munasebetleri olğan qızlar gimnaziyasınıñ vasiyler şurasınıñ azası oldı. O vaqıtları talebeleri arasında daa soñra dünyada meşur olacaq insanlar bar edi. Meselâ, şaire Marina Tsvetayeva, Gollivud yıldızı Alla Nazimova, fizika saasında Nobel laureatı İlya Frank — 19 Yaltanıñ Çehov gimnaziyası. Beş yıl devamında yazıcı müdirinen dostane munasebetleri olğan qızlar gimnaziyasınıñ vasiyler şurasınıñ azası oldı. O vaqıtları talebeleri arasında daa soñra dünyada meşur olacaq insanlar bar edi. Meselâ, şaire Marina Tsvetayeva, Gollivud yıldızı Alla Nazimova, fizika saasında Nobel laureatı İlya Frank

Voykov soq., 9 adresindeki üç qatlı bina – Grigoriy Yartsevniñ evidir (Yartsev evi). 1890-larnıñ soñlarında saibi, rus ressamı, mimar ve seyaatçınıñ leyhasına köre quruldı. Yartsev evi 1890-1900 seneleri Yaltanıñ intellektual ve medeniy ayatınıñ merkezi oldı. Hatıra tahtasında mında 1900 senesi yazıcı Aleksey Gorkiy yaşağan, doqtur Sredinniñ dairesinde Anton Çehov, İvan Bunin, Dmitriy Mamin-Sibirâk, Fedor Şalâpin, Sergey Rahmaninov, Viktor Vasnetsov ve digerleri kelip ketken edi, dep qayd etile — 20 Voykov soq., 9 adresindeki üç qatlı bina – Grigoriy Yartsevniñ evidir (Yartsev evi). 1890-larnıñ soñlarında saibi, rus ressamı, mimar ve seyaatçınıñ leyhasına köre quruldı. Yartsev evi 1890-1900 seneleri Yaltanıñ intellektual ve medeniy ayatınıñ merkezi oldı. Hatıra tahtasında mında 1900 senesi yazıcı Aleksey Gorkiy yaşağan, doqtur Sredinniñ dairesinde Anton Çehov, İvan Bunin, Dmitriy Mamin-Sibirâk, Fedor Şalâpin, Sergey Rahmaninov, Viktor Vasnetsov ve digerleri kelip ketken edi, dep qayd etile

Eski kiriş qapusından yalıñız camlı üst qanatı qalğan — 21 Eski kiriş qapusından yalıñız camlı üst qanatı qalğan

Bu eski panelli qapular ise, çoq şükür, qaldı — 22 Bu eski panelli qapular ise, çoq şükür, qaldı

Yartsevniñ evi çetten böyle körüne — 23 Yartsevniñ evi çetten böyle körüne

Yartsev evinde qoruv levhası asılğan — 24 Yartsev evinde qoruv levhası asılğan

Ev ögünde terekler aça — 25 Ev ögünde terekler aça

Facebook Forum

Başına qaytmaq

XS

SM

MD

LG