Link açıqlığı

Saatnıñ esas haberi

Camiden sinagogağa qadar: Kezlevniñ merkezinde kezinti (fotoresimler)

15 yıl evelsi Qırım yarımadasınıñ ğarp yalısındaki kurort şifahanesi sayılğan Kezlev 2500 yılını qayd etken edi. Yubiley munasebetinen yerli akimiyet tarihiy şeer rekonstruktsiyasını yapqan edi. Teatralnaya meydanı deñişti, anda şeer tuğralı barelyefler, şeer içün müim olğan adise-vaqialar ve şahıslar ile hatıra tahtası peyda oldı. Kezlev üç tarihiy devirde qayd etile. Birincisi – yunan, o vaqıtları şeer Kerkinitida adını taşığan edi. Ekincisi – Osmanlı imperatorlığı zamanı, şeer Gezlev adını alğan edi. Ve, niayet, üçüncisi – zemaneviy Kezlev. Şimdiki Yevpatoriya adı VI Mitridat Yevpatordan kele. Qadimiy Yunanistan zamanında o, Kerkinitidanı skit ücümlerinden qorçalağan edi.

25 asır devamında şeerde yañı halqlar ve dinler peyda olıp qarışa edi. Zemaneviy Kezlevde musulman camisi, ortodoks kilsesi, ermeni kilsesi ve sinagoga arasında bir qaç metr bar. Bir qaç yıl evelsi şeerniñ medeniy yerleri bir turistik yolğa birleştirildi – «Küçük Qudus». Qırım.Aqiqat mühbiri şeerniñ tarihiy yerlerini dolaşıp, Kezlevniñ merkezinde biri-birinen yan-yana olğan farqlı medeniyetlerni qayd etti.


Facebook Forum

XS
SM
MD
LG