Link açıqlığı

Petro Poroşenko Ukraina prezidenti antını qabul etti. Antqa Poroşenkonı Anayasa mahkemesiniñ reisi Yuriy Baulin alıp bardı.

İnauguratsiya merasiminde tahminen 60 çetel eyyeti bulundı. Olarnıñ arasında 23 devlet, ükümet, parlament başları ve halqara teşkilâtlarnıñ yolbaşçıları, şu cümleden Poloniya, Aqrusiye, Litvaniya prezidentleri - Bronislav Komorovskiy, Aleksandr Lukaşenko, Dalia Grybauskaitе, İsveçre federal prezidenti, OBSE reisi Didier Burkhalter, Kanada baş naziri Stephen Harper, Avropa şurası prezidenti Herman Van Rompuy, OBSE baş kâtibi Lamberto Dzannyer, BMT baş kâtibi muavini JeffreyFeltman.

AQŞ eyyetini prezident muavini Joe Biden, senator John McCain ve devlet kâtibi yardımcısı Viktoriya Nuland taqdim etti. Rusiye eyyetinde Rusiyeniñ Ukrainada elçisi Mihail Zurabov edi.

Bundan da ğayrı merasimde üç sabıq prezident – Leonid Kravçuk, Leonid Kuçma ve Viktor Yuşçenko bulundı.

İnauguratsiyada çıqışta bulunıp, Porşenko Qırım Ukrainalı olğanını ve bar olacağını aytıp, musafirlerniñ alğışlarını qazandı.

Parlamentte resmiy qısım bitkeninen Poroşenko Sofiyevskaya meydanına yol aldı. Mında arbiy hızmetçileri yañı Baş komandanğa ant ettiler.

Petro Porşekno mayıs 25 künü keçirilgen prezident saylavlarında reylerniñ 54,7% qazanıp, ğalip çıqtı.
XS
SM
MD
LG