Link açıqlığı

Rusiye prezidentiniñ matbuat kâtibi Dmitriy Peskov Vladimir Putin Donbass «referendum»ları aqqında öz fikirni neticeler belli olğandan soñ bildirecegini ilân etti, haber ete Radіo Svoboda.

«Aqiqiy arbiy areketlerniñ yüz bergenini köz ögüne alıp, sakinler kendi planı boyunca areket etmege mecburlar»,– dedi Peskov ve şimdi «bir şeyni evelden aytmağa qıyn» olğanını qoşıp ayttı.

Putinniñ matbuat kâtibi şunı da qayd etti ki, Rusiye prezidenti federalizatsiya tarafdarlarını «referendum»nı başqa künge keçirmege rica etmedi, yalıñız tevsiye etti eken.

Rusiye prezidentiniñ temsilcisi Ğarpnıñ Putiniñ bildirüvlerine olğan cevaplarını ve Ukrainanıñ yañı akimiyetine köstergen destegini takbih etti.

«Olar içün saylavlarnı keçirip, etilgen avdarmanıñ qanuniy olğanı aqqında yuridik suallerni qapatmağa eñ müimdir», – dedi Putiniñ matbuat kâtibi

Mayıs 11 künü Donetsk ve Lugansk vilâyetlerinde regionlarnıñ statusı aqqında «referendum»lar keçti. Neticeler mayıs 12 künü saat 15:00 soñ aşkâr olacağı beklenile.

Ukraina qanunlarına köre, işbu saylavlarda yuridik negiz yoq ve onı AB, AQŞ, OBSE ve dünyanıñ diger memleketleri tanımaycaq.
XS
SM
MD
LG