O hatırlattı ki, ABD yaqında ukrayin arbiylerine Rusiye territoriyasına ücüm etmege ruhset berdi, amma "tek mudafaa ya da cevap ateşleri çerçivesinde".
"Amma uzaq mesafeli ücümlernen bağlı siyasetimiz deñişmedi. Menimce, bu yerde añlamaq kerek ki, bizler bu çatışmanıñ Ukrayina tışına çıqqan daa keniş bir çatışmağa çevirile bilecek istenilmegen aqibetlerini, kerginleşüvini körmek istemeymiz. Menimce, bu er kesniñ diqqatını celp etmeli ve pek ciddiy olmalı", — dep qoştı Rayder.
Amma, onıñ aytqanına köre, "ABD Rusiye telükesini iç bir vaqıt hafifke almadı". Bunıñ içün Vaşington "Ukrayina arbiyleri devletini qorçalamaq içün kerekli olğan er şeyge saip olması içün" Kıyivnen çalışmağa devam etecek.
Ukrayina prezidenti Volodımır Zelenskıy, ABD-niñ rusiye arbiy uçaqlarına ücüm etmek içün amerika silâsını qullanmasına izin bermesi Ukrayinanı Rusiyeniñ avia bombalarından qorçalay bile, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.