ABD Mudafaa nazirliginiñ yüksek seviyeli memurı bildirgenine köre, Rusiye Ukrayınadaki cenk içün çoqça asker almağa tırışa.
Onıñ aytqanına köre, yañı soyları – bayağı yaşlı, yaramay urbada ve yeterli azırlıq körmegen.
Avgustnıñ 29-nda jurnalistlerge adını gizli qaldırıp malümat bergen ABD mudafaa müessisesiniñ vekili Rusiye cenkke keteceklerni apishanelerde sıq-sıq qıdıra, dep bildirdi.
Rusiye prezidenti Vladimir Putin avgustnıñ 25-nde Rusiye ordusını 137 biñ insanğa arttırğan buyruqnı imzaladı.
Amerikalı memur Ukrayınağa qarşı istilânıñ altı ayı devamında Rusiye bayağı zarar kördi, dep qayd etti.
Onıñ aytqanına köre, Pentagon ordu sayısını arttırmaq ıntıluvı «muvafaqiyetli olamaycaqtır, çünki Rusiye tarihta sayı maqsadlarına irişemegen edi», dep tüşüne.
«Rusiye celp etüv ğayretlerini kenişletmege tırışıp başladı. Olar yaş sıñırını lâğu etip ve mabüslerni celp etip bunı yapqanlar», – dep ayttı memur.
Avgustnıñ başında Pentagon Ukrayınada büyük cenk başlağanından tahminen 70-80 biñ Rusiye arbiyi öldi ya da yaralandı, dep bildirgen edi.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
