ABD Mudafaa naziri Lloyd Ostin ve Ukraina prezidenti Volodımır Zelenskıy strategik mudafaa aqqında çerçive añlaşmanı imzaladılar. Aytışuvlar vaqtında Pentagon başı Qırımnıñ Rusiye tarafından işgali aqqında hatırladı.
«Ukrainanıñ topraq bütünligine, suverenitetine ve Avropa Atlantik ıntıluvına destegimiz sarsılmaz. Rusiyeni Qırımnıñ işğalini ve Ukraina şarqındaki çatışmanı toqtatmağa daa bir kere çağıramız. Rusiye tecavuzına qarşı siz ile beraber olmağa devam etemiz», – dep yazıla Pentagonnıñ bilidrmesinde.
Qayd etilgeni kibi, Ostin Volojımır Zelenskıyge Ukraian ile mudafaa munasebetlerni qaviyleştirmege söz bergen.
Pentagon başı ukrain zenaatdaşı Andriy Taran ile çerçive añlaşmanı imzaladılar. Bu añlaşma amerika-ukrain strategik mudafaa munasebetleriniñ esasılarını tayin etecek.
