Yanvarniñ 2-nde aqşam saatlarında Aqyarda, şeerniñ merkeziy qısmında kökte raketanıñ uçurtılmasına beñzegen ses eşilgen, soñra ava mudafaası sistemasınıñ işine beñzegen küçlü patlav olğan. Bunı Qırım.Aqiqat mühbiri haber ete.
Patlavdan evlerniñ pencere camları tasırdap başlağan.
Aqyarnıñ işğal valisi Mihail Razvojayev telegram kanalında "şeerde ava mudafaası sisteması çalışa", dep yazdı.
Onıñ bildirgenine köre, deñiz üzerinde pilotsız uçqan cihaz urıp tüşürilgen.
Yerli telegram kanalları da patlavlar aqqında haber ete.
Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
