Teşkilât pervasız olmağanlarnıñ Danılovıçqa destek sözlerini qaldıra bilecekleri bir forma yayınladı. Bundan ğayrı, PEN International diger memleketlerniñ vatandaşlarını Danılovıçnıñ davasını halqara seviyege kötermek içün öz memleketleriniñ Tış işler nazirligine muracaat etmege ve onıñ deral azat etilmesini talap etmelerine çağıra.
İçtimaiy ağlarda lâqayt olmağan adamlarnı #IrynaDanylovych #FreeDanylovych #ImprisonedWriter heşteglerini qullanaraq ve @pen_int qayd eterek Danılovıçnıñ davası aqqında aytıp bermege çağıralar.
Emşire ve vatandaş jurnalisti keçken sene aprelniñ 29-nda işten evge qaytqanı zaman Rusiye quvetçileri tarafından yaqalanğan edi. İrınanıñ Aqmescit tahqiqat tevqifhanesinde olması yalıñız 13-ünci kün belli oldı. Bütün bu vaqıt tuvğanları ve tanışları onı tapmağa tırışa edi. Olarğa Köktebelniñ kenarındaki yaqıt stantsiyalarından birinde tapılğan İrınanıñ tutıp esir etilmesiniñ video yazısı yardım etti. Video adiy urbağa kiyingen bir qaç kişiniñ İrınanı arabağa nasıl itep oturtqanlarını köstere. Bu video esasında faalniñ babası Rusiye polisine ariza ile muracaat eterek, adam tutıp esir etilmesi faktı ile bağlı cinayet davasınıñ başlanmasını talap etti.
Danılovıç emşire olıp çalışa edi, içtimaiy ağlarda saifesi ve bir qaç bloger yazısı bar edi. Yazğanları esasen sağlıq hadimleri ve işğal altındaki yarımadada sağlıq problemlerinen bağlı edi.
2022 senesi dekabrniñ 28-nde Qırımdaki Rusiye mahkemesi vatandaş jurnalisti ve emşire İrına Danılovıçnı yedi yıl apis cazasına makhüm etti. Mahkeme qadınnı Rusiye Ceza Qanunnamesiniñ 222.1 maddesi ile «Patlayıcı madde ya da patlayıcı cihazlarnı qanunsız satın aluv, berüv, satuv, saqlav, taşuv, yollav ya da yanında taşımasında» qabaatlı tanıdı. Apis cezasından ğayrı qadın 50 biñ ruble para cezasını berildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
