Rusiyeliler Qırım yarımadası ile bağlı ritorikasını emiyetli derecede deñiştirdiler, çünki olar Ukrayina Silâlı Quvetleriniñ areketlerinden qorqalar. Bunı Ukrayina prezidentniñ Qırım MC-deki daimiy temsilcisi Tamila Taşeva bildirdi.
"İçtimaiy ruh Qırımda farqlıdır. Misal olaraq, şimdi başçı propagandistler "Qırımda iç bir şey yüz bermey, raatsız olmaq içün sebepler yoq" deyler. Aynı zamanda yarımadada okoplar qazılmaqta. Olarnı deñiz boyu qazalar. Olar pek qasevet etkenlerini añlaymız...", - dedi o.
Jurnalistniñ Qırımdaki işğalciler ukrayin desantınını tüşmesini bekleylermi sualine Taşeva cevaplandı: "Añlağanımızğa köre, bekleyler".
"Olar qorqqanını köremiz ve bu sebepten bomba sığınaqlarını azırlaylar... Eger evel işğalciler "Qırım içün telükeler yoq" ve "Qırım eyüyediy Rusiyeniñ terkibindedir" dey ediler. Şimdi ise "Biz Qırımnı imaye etermiz" deyler", - dep qayd etti Taşeva.
Avgust ayından berli Qırım ve Aqyarda aman-aman er kün patlav sesleri eşitile. Rusiye akimiyeti «Ukrayına uçucısızlarına» atış ve «ava mudafaa sistemalarınıñ işi» aqqında ayta.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
