Ukrayina Milliy telükesizlik ve mudafaa şurasınıñ kâtibi Oleksiy Danılov, Rusiye ile "er kesni er keske" formatında arbiy esirlerniñ deñişüvi mevzusında qıyın muzakereler ketkenini bildirdi. Bunı o Azatlıq Radiosınıñ yayınında haber etti.
"(Bu deñişüvniñ muvafaqiyeti – QA) ilk nevbette Rusiye Federatsiyasınıñ istegine bağlıdır. Sadece bizim tarafımıznıñ degil, Rusiye Federatsiyasınıñ da istegi olmaq kerek. Bu mevzuda pek qıyın muzakereler ketmekte. Bu, memleketimizniñ Baş istihbarat idaresiniñ iştiragi ile doğrudan alâqalıdır. Olar bu esnas içün mesüliyetlidir. Ve esirlerimizni azat etkenimiz er sefer, bu, bu yönelişte çalışqan taqımlarnıñ büyük ğalebesidir", - dedi Danılov.
Daa evel Ukrayina Baş istihbarat idaresiniñ yolbaşçısı Kırılo Budanov RBK-Ukrayina neşrine intervyü berir eken Ukrayina "er kesni er keske" deñişüv formatına yaqınlaşqanını bildirgen edi.
Aprelniñ 26-nda Ukrayina deñişüv çerçivesinde 44 kişini azat etip oldı, olanıñ ekseriyeti arbiyler edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
