Link açıqlığı

Paytahtta «Ukrain urbasında büyük yürüş» olıp keçti


Kiyevde «Ukrain urbasında büyük yürüş» on üçünci kere «Altın araba qapu» müzeyi yanında başlandı. Tantanalı açılıştan soñ iştirakçiler kolonnası milliy urbada merkeziy soqaqlarnı dolandı: Zolotıye vorota – Sofiyskaya meydanı – Mihaylovskaya meydanı – Yevropeyskaya meydanı – Gruşevskiy soqağı – «Rakuşka» yaz sanası (Mariin bağçası). Yürüş Saşa Lirnik ve ağa-qardaş Kapranovlarnıñ iştiraki ile kontsertnen yekünlendi.

Aktsiya teşkilâtçısınıñ dostu Anâ Pokusayeva yürüşte bir qaç kere iştirak etti.

«Teşkilâtçı – menim sınıfdaşım, işdeşim, – dep ayta o. – O, bayağı adamnı birleştirdi, onen ğururlanam. Bu ukrain medeniyeti – yaş ve küçlü medeniyet olğanını köstere. Bilem ki, ukrain urbasında birinci yürüşke tek dört adam keldi. Menimce, o, o qadar küçlü iradeli bir adam ki, dört insannen bile çalışmağa azır. Soñra ise er şey ilerilemege başladı».

«Ukrain urbasında büyük yürüş» aktsiyasınıñ teşkilâtçıları deyler ki, tedbir siyasetnen bağlı degil ve gençlerni milliy urba vastasınen birleştirmege tırışa.
XS
SM
MD
LG