Kezlevde Rusiye telükesizliu quvetlerniñ talimleriniñ keçirilmesi ilân etilgen. Bunı Rusiye nezareti altındaki memuriyetniñ başı Yelena Demidova bildirdi.
"Bugün telükesizlik quvetleriniñ planlı talimleri keçirilecek. Büyük ihtimalnen, patlav sesleri eşitilecek. Şeer sakinlerini tınçlıqnı saqlap tutmağa çağıramız", - dep yazdı o.
Aprelniñ 11-13 talimler Keriçte olıp keçti. Rusiye gvardiyasınıñ arbiyleri "ameliyatta boş ateş ve patlayıcı maddelerni qullanmağa ögrendiler".
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
