23 parlament spikerleri ve Avropa parlamentiniñ reisi Robert Metsola ABD Kongressiniñ Temsilciler Palatasınıñ spikeri Mayk Consonğa Ukrayinağa 60 milliard dollar yardım ayırılması aqqında qanun leyhasını baqmaq ricası ile açıq mektüp yolladılar, dep bildirdi Ukrayina Yuqarı Radasınıñ reisi Ruslan Stefançuk.
''Şimdilik qanun leyhası Temsilciler palatasına berildi, ve protsedura qaidelerine köre, spiker Mayk Conson onı Amerika Kongressiniñ aşağı palatası baqmasına kirsetmek aqqına maliktir'', - dep qayd etti Stefançuk.
Mektüpte qayd etile ki, siyasetçiler ABD yardımını "şahsiy ve kollektiv telükesizligine yatırım" olaraq tanıylar.
"Bu yamanlıq yeñilmeli ve er kes mesüliyetke çekilmeli, bu ise ilerideki zıddiyetlerden qorçalaycaq ve halqımızğa idarelik ve telükesizlik duyğusını qaytarır", - dep aytıla mektüpte.
Ukrayina Yuqarı Şurasınıñ reisi qayd etti ki, mektüp oña qoşulmağa istegen diger parlament spikerleri içün de açıq qala.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
