UNESCO Baş konferentsiyasınıñ 42 sessiyası çerçivesinde Pariste Geraylar sülâlesinden olğan Qırım hanlarından biriniñ eski qırımtatar muzıkası kontserti olıp keçti. Bunıñ aqqında Ukrayin TİN yolbaşçısınıñ birinci muavini Emine Ceppar bildirdi.
Qırım ükümdarı, bestekâr ve şair II Gazı Geraynıñ 500 yıllıq muzıka eserleriniñ yañğırağanı kontsert Pariste Sen-Sulpi katolik kilsesinde olıp keçti.
Cepparnıñ sözlerine köre, bu eserler Ukrayina yaqın zamanda başlatacaq insanlıqnıñ muzıka asabalığı entsiklopediyasına kirsetilmeli.
"Qırımtatar halqınıñ tarihiy muzıka mirası "Kıyiv-Klassik" ökrestri tarafından icra etildi. UNESCO-ğa unikal leyhanı desteklegeni içün ve babasınıñ şahsiy kollektsiyasından nota materialını bergen Türkiyeli sanatkâr Küdsi Ergünerge minnetdarmız", - dep yazdı Ceppar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
