Keçken künü işğal etilgen Qırımda beş koronavirus hastası vefat etti, umumen pandemiya vaqtında yarımadada 1129 COVID-19 hastası keçindi, dep bildire Kreml kontrolindeki Qırım sağlıq nazirliginiñ matbuat hızmeti.
«374 insan (COVID) ambulator tedaviylevde, 1488 kişi (COVID ve pnevmoniya) hastahanelerde buluna», – dep aytıla haberde.
Umumen Qırımda 38678 COVID-19 hastası qayd etildi, tüzelgen 36056 insan yiberildi, dep qoşmı Qırımnıñ Sağlıq nazirligi.Kreml kontrolindeki Qırım yolbaşçısı Sergey Aksenovnıñ bildirgenine köre, işğal etilgen Qırımda aprelniñ 11-nde 95 yañı koronavirus hastası qayd etildi, 5-iniñ hastalıq alâmetleri yoq.
Rospotrebnadzor, Qırımnıñ yedi regionında koronavirus hastalarınıñ sayısı arta, dep bildirdi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
