Avropa Şurası Parlament assambleyası yanvarniñ 30-nda Ukrayinada adaletli ve uzun müddetli barışıqqa qol tutqanı aqqında qararnı qabul etti. Vesiqağa 86 deputat qol tuttı.
Qarar, adaletli barışıq bütün qıta telükesizligi içün kerek ve Ukrayina içün kerekli telükesizlik kefaletleri ile temin etile bile, ve er angi barışıq muzakereleri tek Ukrayina iştiragi ile ve "quvet vastasınen barışıq" printsipine esaslanıp keçmeli, degen tezisten ibarettir.
"Bu printsip, başqa şeylernen beraber, barışıq muzakereleri tek dayanıqlılıq ve küçlü mudafaa qabiliyeti noqtasından alıp barıla bilecegini ve adaletli ve devamlı barışıq tek Ukrayina içün kerekli telükesizlik kefaletleri ile temin etile bilecegini qayd ete", — dep aytıla metinde.
Bundan ğayrı, PACE Avropa Şurasınıñ aza devletlerini, em de Avropa institutlarını ve halqara ortaqlarını Rusiyege qarşı sanktsiyalar rejimini quvetleştirmege ve Rusiye iqtisadiyatınıñ köy hocalığı, metallurgiya ve özek sektorlarını kenişletmege çağırdı.
Bundan da ğayrı, yanvarniñ 30-nda PACE toplaşuvında Belarus ve Gürcistandaki vaziyetke dair qararlar qabul etildi.
Avropa Şurası Parlament assambleyası — Avropa Şurasınıñ 46 aza devletiniñ milliy parlamentleriniñ deputatlarından ibaret olğan mesleat organıdır. PACE 1949 senesi meydanğa ketirilgen ve eñ eski halqara parlament assambleyasınıñ biridir. PACE qararları uquq ceetinden mecburiy degil, amma Avropa ve halqara esnaslarğa büyük siyasiy tesir ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.