Avropa Şurası Parlament Assambleyası oktâbrniñ 13-nde keçirilgen oturış vaqtındaRusiyeniñ Ukrayinağa tecavuzını takbih etken qararnı qabul etti.
Ukrayina millet vekili ve Yuqarı Radanıñ PACE-deki delegatsiyasınıñ azası Oleksiy Gonçarenko rey berüvni "tarihiy" adlandırdı
"Qararnıñ eñ müim yerleri: Rusiye rejimi terrorcı olğanı qayd etile. Bu, dünya mıqyasında küçlü işarettir ve bu, Rusiyeniñ terrorcılıqnıñ sponsorı sayılması içün daa bir adımdır. Avropa Şurası tarihta ilk sefer silâlar berilmeli olğanını bildirdi! Söz ava mudafaası sistemaları aqqındadır", - dep yazdı o.
Tüzetmeler zamanı bu qararlar vesiqağa kirsetildi.
Bundan ğayrı, vesiqa Rusiyeniñ BMT Telükesizlik Şurasında olmasını uquqiy ceeten esassız kibi tarif ete. PACE Rusiyeniñ Ukrayinağa qarşı cenki ile bağlı halqara tribunal teşkil etilmesini de destekley.
Moskva bir çoq delil olğanına baqmadan Ukrayinada arbiy cinayetlerini red ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
