Link açıqlığı

Avropa Şurası Parlament assambleyası Rusiye eyyetini rey bermek aqqında yılnıñ soñuna qadar marum qaldırmasına qol tutıp, PACE işçi organlarınıñ faaliyetinde iştirak etmek aqqından da marum qaldırdı.

PACEde Rusiye eyyetiniñ vekili Aleksey Puşkov rusiye eyyeti PACE sessiyasını narazılıq olaraq terk etkenini ve assambleya işiniñ ilerideki iştiraki aqqında meseleni baqmaq niyeti bar olğanını bildirdi. Bunı Strasburgdan Azatlıq Radiosınıñ mahsus mühbiri Leonid Velehov bildirdi.

Çarşenbe künü PACEde Ukrainadaki vaziyet aqqında maruza esasında qabul etilgen rezolütsiyada halqara aq-uquqlarını bozğan Rusiye istilâsı ve Qırım işğali sert bir şekilde takbih etile.

Rezolütsiyağa 154 vekil qol tuttı, 26 qarşı çıqtı ve 14 bitaraf oldı.
XS
SM
MD
LG