Link açıqlığı

Saatnıñ esas haberi

PACE küz sessiyasında Qırımnıñ tamır halqlarınıñ taqip etilmesi ile bağlı muzakereler keçirilemeycek – Vasılenko


Nümüneviy resim
Nümüneviy resim

Avropa Şurası Parlament Assambleyasında «Rusiye tarafından Qırım tamır halqlarınıñ siyasiy taqip etilüvi» mevzusında muzakereler keçirilmeycek. Bunı sentâbrniñ 27-nde PACE-deki Ukraina Yuqarı Radasınıñ daimiy delegatsiyasınıñ azası Lesâ Vasılenko bildirdi.

Onıñ sözlerine köre, bunıñ sebebi qırımtatar halqınıñ aqları aqqında qarar bu seneniñ yazında qabul etilgenidir.

«Bizim delegatsiyamız tarafından teklif etilgen "Rusiye tarafından Qırım tamır halqlarınıñ siyasiy taqip etilüvi" mevzusında muzakereler bu mevzular tasdıqlanğan büro tarafından destek almadı. Sebep, qırımtatar halqınıñ aqları aqqında qarar bu seneniñ yazında qabul etilgenidir», – dep yazdı Vasılenko Facebook saifesinde.

Sentâbrniñ 9-nda Ukraina PACE eyyetiniñ azası, Yuqarı Rada deputatı Rustem Umerov Ukraina mezkür munaqaşalar keçirilmesi içün muracaat etti, dep bildirdi. Mektüp Avropa Şurası Parlament Assambleyasınıñ prezidenti Rik Daems adına berildi. İşbu muracaat yarımadada keçirilgen yañı tintüvler, qırımtatarlarnıñ tutulması ve apiske alınmasından soñ yollanıldı. Apiske alınğanlar arasında qırımtatar faali ve siyasetçi Nariman Celâl bar.

Hatırlatamız, Avropa Şurası Parlament assambleyası iyünniñ 23-nde Rusiye işğal etken Qırımda qırımtatarlarnıñ aqlarına dair qararnı qabul etti.

Qırımtatar Milliy Meclisiniñ reisi Refat Çubarov PACE eyyetiniñ Rusiye işğal etken Qırımda qırımtatarlarnıñ aqlarına dair qararınıñ qabul etilüvi «esaslı» ola, dep ayttı.

Rusiye Devlet Dumasınıñ halqara işler komitetiniñ reisi Leonid Slutskiy Rusiye PACEniñ işğal altındaki Qırımda qırımtatarlarnıñ aqları bozuluvına dair qararnı yerine ketirmeycek, dep bildirdi.

Rusiye Devlet Dumasınıñ spikeri Vâçeslav Volodin PACEde qırımtatarlarnıñ aqları bozulğanına dair taqdim etilgen maruzanıñ müellifi, İslandiya vekili Sunna Evarsdottirniñ memleketke kirişini yasaqlamaq içün teşebbüsçi ola bile, dep bildirdi.

Ukraina eyyeti Qırımda insan aqlarınıñ vaziyeti, insanlarnıñ ğayıp oluvı ve yarımadada qanunsız apiske aluvlar, qırımtatarlarnıñ aqlarını qoruv, Rusiyeniñ Qırımtatar Milliy Meclisini «terror teşkilâtı» olaraq tanıma qararınıñ lâğu etilüvinen bağlı meselelerni Avropa Şurası insan aqları komissarı Dunja Mijatović ile muzakere etken edi.m

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG