Sekiz yıldan çoq devam etken işğal ve hususan soñki altı ay içinde artqan eñ sert tsenzura şaraitinde Ukrayinağa ya da Qırımdaki ukrayin bir şeyine er angi bir simpatiya kösterüvi işğalci devletke qarşı devlet hainligi dep sayıla. Bunı Qırım.Aqiqatqa "Poisk.Plen" leyhasınıñ reberi, adliyeci aq qoruyıcı, advokat Nikolay Polozov ayttı.
Advokat qayd ete ki, Qırımdaki zorbalıq eylemlerine oğratılğan faaller Rusiye mahkeme sistemasınıñ mudafaasına ümüt ete bilmezler
"İnkişaf etken çaqmalıq institutına esaslanğan ceza apparatı olması mümkün loyal olmağan adamlarnı qıdırıp, taqip ete. Bütün bular işğalcilerniñ ve olarnıñ omuzdaşlarınıñ zayıflığını ve qorqusını köstere. Mustaqil akimiyet qolundan icra organlarınıñ ilâvesine çevirilgen mahkeme sistemasınıñ piçleşmesi şaraitinde adaletke irişmek imkânsız olğanı körünip tura. Aksine, er angi bu kibi faallik riayetkârsızlıq kibi qabul etile ve böyle adamlar basqılarğa oğratıla bile. Aynı zamanda, Qırımda ealiniñ ekseriyeti işğalden azat etilüvni bekley. Ve işğal şaraitinde mevcut olğan bütün vastalarnen bu künni yaqınlaştıra", - dep qayd eti Polozov.
Avgustnıñ 29-nda Ukrayina prezidentiniñ Qıırm MC-deki daimiy temsilciligi haber etti ki, "sözde qırımlı blogerler soñ vaqıtlar kütleviy şekilde Ukrayinanı desteklegen Qırım sakinlerininiñ video ve fotolarını yayınlap, bu şahıslarnı aynılamağa ve soñra bu malümatnı işğalci organlarğabermege teklif eteler".
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
