Ukrayina TİN yolbaşçısı Dmıtro Ku leba Rusiye ordusınıñ kütleviy raketa ücümini izaatladı. Bunıñ aqqında o Twitter saifesinde yazdı.
Ukrayina Tış işler naziri Rusiyeniñ raketa ücümini "manasız zalımlıq" adlandırdı. Diplomat ücümniñ yañı yıl arfesinde Ukrayina şeerlerine doğrultılğanına da diqqat çekti.
"Bu kibi kütleviy arbiy cinayetler qarşısında iç bir "bitaraflıq" ola bilmez. Şimdi özüni "bitaraf" köstermek, Rusiyeniñ tarafını tutmaqnen aynıdır", - dep yazdı o.
Dekabrniñ 29-nda saba saatlarında Rusiye kene Ukrayinağa raketalarnen ücüm etti. Ukrayina prezidenti ofisiniñ yolbaşçısınıñ mesleatçısı Mıhaylo Podolâk Ukrayina territoriyasında 120-den ziyade rakate qayd etilgenini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
