Sea Ваbу deñiz dronları gruppası, olarnı toqtatmağa tırışqan Rusiye vertolötları, uçaqları ve patrul qayıqlarınen küreşkenini iddia ete.
"Rusiye uçucıları özlerini avcılar olaraq saya ve qolay avlanmağa ümüt ete ediler, amma deñiz dronları cevap ateşini açqanı içün olar özü av oldılar", — dep haber ete SBU matbuat hızmeti.
Mında qoştılar ki, eñ yañı Sea Baby maşnalarına avtomatik olaraq nişan ve maqsatnı tutmaq içün ballistik programmalar ile iri kalibrli pulemetler qoyuldı.
SBU, vertolötlarda elâk olğanlar ve yaralanğanlar bar, dep qayd ete. Qayd etilgenine köre, vertolötlar bayağı zarar kördi ve tamir etilmek kerek.
"SBU dronları, işğalciler daa evel ukrayin mahsus hızmetiniñ patlavlarından soñ muvafaqiyetsiz alğa ketirmege tırışqan Keriç köprüni tamir etmek içün arbiy tehnika ve donatma taşığan barjağa da ücüm etti", — dep qoştılar Ukrayina mahsus hızmetinde.
Dekabrniñ 6-nda saba bir sıra Qırım telegram kanalları işğal etilgen Keriçte patlavlar aqqında haber etti. Qırım.Aqiqatnıñ oquyıcıları dekabrniñ 6-nda Keriçte patlavlar aqqında malümatnı tasdıqladı. Qayd etilgenine köre, 10-20 daqiqa aralığında üç patlav oldı — birincisinde eki patlav, birinde ise ava mudafaası.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
