Aqyarnıñ (Sevastopol) rusiyeli başı Dmitriy Ovsânnikov, şeer parlamentiniñ nevbetten tış plenar oturışını çağırta. Bu aqta müessiseniñ matbuat hızmeti bildirmekte.
Beyanatqa köre, oturışnı iyül 9-ında saat 16:00 keçirecek olalar.
Rusiye nezaretindeki Aqyar parlamentiniñ mebusları, eki mevzunı muzakere etecek: "Aqyar şeeri tuğrası aqqında" Aqyar şeeriniñ qanun leyhası ve "Aqyar şeeri bayrağı aqqında" Aqyar şeeriniñ qanun leyhası.
Sentâbr 8-inde, Rusiye ilhaq etken Aqyarda, şeerniñ rusiyeli parlamentiniñ mebuslarınıñ saylavları keçirilecek.
Resmiy Kyiv, bir sıra halqara teşkilâtlar ve dünyanıñ bir çoq memleketi yarımadada keçirilgen rusiye saylavlarını qabul etmey.
