OSCE Parlament Assambleyası Ukrainanıñ teşebbüsi ile Rusiyeniñ Qırımnı, Donetsk ve lgunsk vilâyetleriniñ bazı rayonlarını işğal etmesini takbih etken acele bir qararnı qabul etti. Bunı OSCE PA Yuqarı Radanıñ delegatsiyasınıñ başı Nikita Poturayev haber etti.
Poturayevniñ sözlerine köre, qarar Rusiye delegatsiyasınıñ ve Rusiyeniñ tesiri altındaki memleketlerniñ delegatsiyalarınıñ qarşı olmasına baqmadan qabul etildi.
O, qararda Rusiyeniñ halqara uquqqa baqmadan Keriç boğazını ve Azaq deñizini blok etmege ıntıluvlarını da takbih etile, dep qayd etti.
«Qararda işğal etilgen Qırımda, Donetsk ve Lugansk vilâyetleriniñ ayrı bölgelerinde insan aqlarınıñ bozuvları, işğal etilgen Qırımnıñ devam etken telükeli arbiyleştirilüvi ve Donetsk ve Lugansk vilâyetleriniñ işğal etilgen bölgelerinde qalmağa mecbur olğan Ukraina vatandaşlarına qanunsız sürette Rusiye pasportlarınıñ berilmesi takbih etile. Ukrainanıñ qrarını qabul etip OSCE PA bir daa Rusiyeden, tecavuzkâr devlet veişğalci devlet olaraq Ukraina ile çatışmanıñ teşebbüsçiçi ve tarafı olaraq, işğal etilgen Ukraina topraqlarını acele terk etmege ve halqara qanunlarnıñ bozuluvını toqtatamağa talap etti», – aytıp berdi Poturayev.
Rusiye, qarar qabul etilgen taqdirde OS CE PA terkibinden çıqacaq, dep tehdit etken, amma vesiqa episi bir qabul etildi.
Bundan ğayrı OSCE PA ABD-niñ qararını qabu letti. Bu qararda dünyada nefret ve zorbalıqlarnıñ artması takbih etile. Ayrı bir vesiqada Belarusiyedeki vaqialar qayd etilgen. Daa Felemenk teşebüsi ile Alekandr Lukaşenkonıñ rejimi takbih etilgen qarar qabul etildi.
«Şunıñ içün Rusiye ve Balurusiye deagatsiyadarı OSCE PA oturışını tekr etmege mecbur oldılar», – dedi o.
