Avropada İşbirlik ve telükesizlik teşkilâtınıñ (OSCE) Nazirler şurası ilk sefer Rusiye temsilcisiniñ iştiragi olmadan toplaşacaq. Bunı Ukrayina TİN yolbaşçısı Dmıtro Kuleba haber etti.
"Ve bu doğrudır. Onıñ işi anda yoq. Olar aytışmalarnıñ yalıñız taqlidini yapalar. Olar diplomatiyanı yalıñız taqlit eteler. Amma aslında olar öz saylavını yaptılar: bu saylav cenk ve arbiy cinatlerdir", - dedi o.
OSCE Nazirler şurasınıñ körüşüvi dekabrniñ 1 ve 2-nde Poloniyanıñ Lodz şeerinde keçirilecek.
Rusiye OSCE azasıdır. Amma noyabrniñ 18-nde Poloniya TİN Poloniyanıñ Rusiye delagatsiyasınıñ Avropada işbirlik ve telükesizlik teşkilâtınıñ oturışında iştirak etmesine izin bermeycegini bildirdi.
Rusiyeniñ Ukrayinağa qarşı büyük istilâsı başlanğan soñ Poloniya ve üç Baltıq memleketi Rusiye vatandaşalarınıñ memleketlerine kirişine, şu cümleden Avropa Birliginiñ diger aza devletleriniñ bergen vizalarğa sıñırlama qoydı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
