Ortodoks hristianları aprelniñ 19-nda Pasha bayramını qutlay. Bu bayram İsa Peyğamberniñ tirilüvinen bağlıdır. Onı Büyük riyazet soñunda qayd eteler.
Gece bayram ibadetleri qılına, paska, yımırta ve diger aşlar oqula.
Bundan ğayrı, kilse devamlı riyazetten soñ kene yağlı aşlar aşamağa izin bere.
Daa evel berilgen malümatqa köre, Ukraina prezidenti Volodımır Zelenskıy, koronavirus yuqunçınıñ tarqaluv telükesini eksiltmek içün Ukraina ortodoks kilseleriniñ müminlerini 2020 senesi Pashanı beraber qayd etmekten vazgeçmelerine çağırdı.
Aqmescit ve Qırım yeparhiyasınıñ ibadethanelerinde koronavirus telükesine baqmadan, Pasha tedbirleri keçirile. Yeparhiya kâtibi Aleksandr Yakuşeçkin belli tedbirler alınacaq, dep bildirgen edi.
