Qazahistan, Qırğızistan ve Özbekistan akimiyetiniñ bildirgenine köre, aprelniñ 4-nde olarnıñ memleketlerinde koronavirus hastalarınıñ sayısı artmağa devam ete, dep bildire «Nastoyaşçeye Vremâ».
Qazahistan Sağlıq nazirliginiñ malümatına köre,memlekette 525 koronavirus hastası qayd etildi. 35 insan tüzeldi. Beş hasta vefat etti.
Qırğızistanda 144 insan koronavirusqa oğradı. Cumaertesi künü, aprelniñ 4-nde, 14 yañı hasta qayd etildi. Doquz kişi endi tüzeldi. Bir hasta vefat etti.
Özbekistanda aprelniñ 4-nde saba COVID-19 hastalarınıñ sayısı 14-ke artıp, 241 oldı. Endi 25 insan tüzeldi. Özbekistanda eki hasta vefat etti.
