Avdiyivka civarındaki Opıtne qasabasında büyük ihtimalnen beş-altı adam qala. Bunıñ aqqında Azatlıq Radiosınıñ yayınında Avdiyivka şeeriniñ arbiy memuriyetniñ yolbaşçısı Vitaliy Barabaş aytıp berdi.
Onıñ sözlerine köre, qasabada qalğan yerli adamlarnen bağ şimdilik yoq.
"Köyniñ özünde neler ola yatqanı aqqında şimdilik belli edi. Anda daa bir qaç adam qalğanı aqqında malümatımız bar. Tahminen 5-6 adam olmalı. Qasaba bütünley yoq etilgen. O 2014 senesinden berli böyle alda. Biz onı eski alına ketirmege tırışa edik. Büyük cenk başlamazdan evel anda 44 adam yaşay edi", - dep ayta Barabaş.
Bazı mevzilerden keri çekilgen rus arbiyleri olarnı öz nezareti astına qaytarmağa tırışalar, amma şimdilik muvafaqiyetsiz, dep bildirdi Barabaş.
Keçende Vitaliy Barabaş Ukrayina Silâlı Quvetleri Donets k vilâyetindeki Avdiyivkanıñ cenübindeki Opıtne qasabasınıñ bir qısmını azat etkenini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
