Ukrayina arbiyleri sentâbrniñ 21-nde saba RF quvetleriniñ eki qatlı ücümini muvafaqiyetnen qaytardılar, dep bildirdi USQ Ava quvetleriniñ spikeri Yuriy İgnat.
"Engelsniñ ğarbındaki bölgeden (RF Saratov vilâyetinde arbiy bir uçaq alanı – QA) strategik aviatsiya Tu-95 qullanılda. Tam o yerden bir qaç dalğa alında raketalar uçurtıldı. Ücüm vaqtından bu raketalarnıñ yolunı bir qaç kerek deñiştirdiler... Raketalarnıñ sayısı onlarnen edi, em Ava quvetleri, em Mudafaa quvetleri er vaqıt kibi yahşı çalıştı: qırıcı uçaqlar, zenit-raketa ordusı, mobil ateş taqımları qullanıldı. Umumen Ava quvetleriniñ komandanı imayecilerimizniñ işini muvafaqiyetli dep qıymetlendirdi, amma soñ neticelerni bekleycekmiz", - dep ayttı İgnat.
Ava telükesi signalı eki saattan ziyade devam etti. Saba saat yediden soñ ekinci raketa ücümi dalğası oldı, kene bütün Ukrayina boyunca ava telükesi signalı berildi. Bu ücüm neticesinde onlarnen adam yaralandı.
Rusiye ordusı muntazam tarzda Ukrayinağa raketa, dron ücümlerini kerçekleştire. Delillerge baqmadan Moskva sırf arbiy infraterkipke darbe endirgenini bildire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
