G7 gruppasından ğayrı daa 10 memleket Ukrayina içün telükesizlik kefaletleri vesiqasını imzalamaq istegenini bildirdiler. Bunı Ukrayina prezidenti ofisiniñ yolbaşçısı Andriy Yermak bildirdi.
"G7 tarafından tasdıqlanğan Ukrayina destegine ortaq beyannamege İspaniya, Çehiya, Felemenk, İsveçiya, Daniya, İslandiya, Norveç, Finlândiya, Belçika, Portugaliya qoşuldı", - dep yazdı Yermak.
Beyanname Ukrayinanıñ mudafaa ve istihbarat imkânlarını quvetleştirmek içün Kıyiv ve G7 memleketleri ve diger imzalağan memleketler arasında ekitaraflı añlaşmalarnı köz ögünde tuta.
Evel Ukrayina prezidenti Volodımır Zelenskıy G7 memleketleri tarafından teklif etilgen telükesizlik kefaletlerini alğışlağan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
