Qırımda cenübiy yalıda telükeli ava vaziyeti aqqında acele ihtar üç künge uzatıldı. Bu aqta fevralniñ 7-nde Qırımdaki Rusiye Fevqulâde vaziyetler nazirliginiñ idaresi haber ete.
«Fevralniñ 8, 9, 10-nda gece ve saba Qırımnıñ cenübiy yalısında ava arareti tüşecek: 8-10 derece suvuq olması beklenile», – dep aytıla haberde.
Bundan evel Qırımda furtuna ihtarı fevralniñ 5-7-ne ilân etildi.
Partenit cenübiy yalısınıñ qasabasında beş baalı furtuna oldı.
Yaltanıñ yalısında kommunal hızmetler yaramay avanıñ aqibetlerini yoq ete: aşağı yalıda qum kürtügi beton bloklarından qora bördürini yıqtı.
Rusiyeniñ Gidromettsentri, işğal etilgen Qırımğa küçlü yağanaqlar ve ruzgâr olacaq, dep tenbiledi.
