Bu fikirni Qırımtatar Milliy Meclisi reisiniñ birinci muavini Nariman Celâl Azatlıq Radiosına bergen intervyüsında bildirdi.
"Onıñ olması ya da olmaması menim içün printsipial mesele degil, dostlarımnıñ çoqusı aytsa da, o, bir timsal olaraq yoq etilmek kerek. Men böyle bir insan degilim. Men bu ceetten daa pragmatik bir insanım. Eger o bizge kerek olsa, Ukrayinağa kerek olsa, Ukrayina tüşünsin, qalsın, amma biz öz devletimizniñ sıñırını ve öz toprağımıznıñ telükesizligini temin etmek kerekmiz", — dep ayttı Celâl.
O şunı da hatırlattı ki, 2014 senesi, Rusiyeniñ Keriç köprüni qurğanına qadar, "biz Keriç boğazından Rusiye silâlı quvetleriniñ kirmesini nezaret etip olamadıq".
Keriç köprü em işğal etilgen Qırımnıñ teminlevi, em de Ukrayina cenk areketleri içün canlı quvet, tehnika ve silânı ketirmek içün strategik olaraq müimdir. 2022 senesi oktâbrniñ 8-nde köpürde yüz bergen patlavdan soñ Rusiye Federatsiyası Ukrayinağa, şu cümleden grajdan infrastrukturağa ateş açtı. Putin kütleviy raketa darbelerini cevap olaraq adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
