Ukrayina ombudsmanı ofisine muracaat etken soñ qadın eki torunı ile Qırımnı terk etip, Ukrayina qıtasına kelip olğan. Bunı Ukrayina Yuqarı Radasınıñ insan aqları vekâletlisi Dmıtro Lubinets bildirdi.
"Aile sebeplerge köre eki torunına baqqan bita işğal etilgen Qırımdan 14 ve 8 yaşındaki oğlan ve qız torunı ile beraber Ukrayina qıtasına kelip olğan", - dep yazdı o telegram kanalıdna.
Dmıtro Lubinets Qırımda Ukrayinanı desteklegen adamlarğa qarşı basqı artqanını qayd etti, bu sebepten qadın ombudsman ofisine yardım istep muracaat etken.
"Körülgen çareler ve sıñırnı keçmek içün berilgen tevsiyelerden soñ bita torunları ile andan çıqıp oldı. Bu operatsiyada bizim refaqatımız ve yardımımız pek yahşı neticedir. Qadın torunları ile telükesizlikte", - dep qoştı Lubinets.
Rusiye Ukrayinağa qarşı büyük cenkni başlatqan ve Ukrayina cenübini işğal etken soñ sıñırdan keçmek bayağı qıyın oldı, böyle yolculıq pek uzaqqa süre ve diger memleketlerniñ topraqlarından keçe.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
