Link açıqlığı

Tünevin Rusiye prezidenti Vladimir Putin «Bütünrusiye halq frontu» Bütünrusiye cemaat areketiniñ vekillerinen körüşti. Tedbirde olimpik çempionı Rustem Kazakov da iştirak etti.

Bunı Kreml saytı bildire.

Kazakov Rusiye devlet yolbaşçısına «Qırımda qol tutqanı içün» minnetdarlıq bildirdi.

«Soñki daqqağa qadar qıyın edi, lâkin Siz soñuna qadar bizlernen beraber ediñiz. Bilesiñizmi, halq kerçekten de soñuna qadar bizlernen olğanıñıznı is etti, bu qıyın daqqaları qorqudan titremediñiz», – dedi sportçı.

Olimpik çempionı Qırım sportçılarına Rusiye çempionatlarında ve halqara yarışlarda iştirak etmege imkân berilmesini istedi.

«Vladimir Vladimiroviç, doğrusını aytqanda, epimiz Sizge işanamız, unutmañız, bizler daima Siznen olacaqmız», – dep ayttı Kazakov.

Putin Qırım ve Aqyarnıñ sport ayatı aqqında söz yürütip, bunıñnen bağlı er bir şey Rusiye sport ayatınen bağlanacaq, dep bildirdi.

«Sizde yahşı, yüksek dereceli sportçılar bar», – qayd etti Rusiye prezidenti.

Hatırlatamız, olimpik çempionı Rustem Kazakov «Bütünrusiye halq frontu» Bütünrusiye cemaat areketiniñ reislerinden biri ola.
XS
SM
MD
LG